გამოკითხვა
რომელია თქვენთვის პრიორიტეტული პრობლემა?
     
სულ: 287
სიახლეები
საქართველოს მოხალისე 19 აპრ, 2017
საქართველოს სპორტისა და ახალგაზრდობის საქმეთა სამინისტრო იწყებს , , მოხალისეობის განვითარების პროგრამის საქართველოს მოხალისე ‘ ‘-ს განხორციელებას, რომელსაც საფუძვლად უდევს საქართველოს სახელმწიფო ახალგაზრდული პოლიტიკის დოკუმენტი და სამოქმედო გეგმა.

პროგრამის მიზანია მოხალისეობის ინსტიტუტის გაძლიერება, მოხალისეთა ერთიანი ქსელის შექმნა, ახალგაზრდებში სამოქალაქო ცნობიერების ამაღლება, მოხალისეობის პოპულარიზაცია, საზოგადოების საკეთილდღეოდ, საკუთარი ნების საფუძველზე უანგარო შრომის იდეის პოპულარიზაცია.

პროგრამის ფარგლებში საქართველოს 64 მუნიციპალიტეტში კონკურსის საფუძველზე შეირჩევა 128 მოტივირებული 17 -დან 25 წლამდე მოხალისე, 2 მოხალისე თითო მუნიცილაპიტეტიდან. შერჩეული ახალგაზრდები ერთი წლის ვადით მიიღებენ , , საქართველოს მოხალისის ‘ ‘ სტატუსს.



შერჩეული ახალგაზრდები ივნისის თვეში გაივლიან მოხალისეობის თემასთან დაკავშირებულ მოსამზადებელ 5 დღიან ტრენინგ-სემინარს (ტრენინგ-სემინარის გამართვის ზუსტ დროს და ადგილს დამატებით გაცნობებთ მოგვიანებით) და წლის ბოლომდე მიიღებენ , , საქართველოს მოხალისის ' ' სტატუსს.



პროგრამაში მონაწილე მოხალისეებს საშუალება ექნებათ:

გაიარონ 5 დღიანი ტრენინგ-სემინარი;

მონაწილეობა მიიღონ სამინისტროს ეგიდით გამართულ სხვადასხვა ტიპის ღონისძიებებში;

ჩაერთონ საერთაშორისო მოხალისეობრივ პროექტებში (European Voluntary Service);

გამოვლინდნენ და დაჯილდოვდნენ წლის საუკეთესო მოხალისეები.

ფინანსური უზრუნველყოფა:

საქართველოს სპორტისა და ახალგაზრდობის საქმეთა სამინისტრო აფინანსებს პროექტ , , საქართველოს მოხალისის ‘ ‘ შემდეგ კომპონენტებს:

მოხალისეთა ტრენინგ-სემინარზე მონაწილეების განთავსება და სამჯერადი კვება ;

მოხალისეთა სატრენინგო მომსახურება ;

მოხალისეთა ტრენინგ-სემინარზე ტრანსპორტირება (რეგიონული ცენტრებიდან)

, , საქართველოს მოხალისეებისათვის ‘ ‘ საქართველოს 10 რეგიონში 10 მოხალისეობრივი პროექტის დაფინანსება , , მე მოხალისე აქტიური მოქალაქე ‘ ‘ კამპანიის ფარგლებში.

პროგრამის ფარგლებში შერჩეული მოხალისეები 2017 წლის ბოლომდე საკუთარი თავისუფალი დროის, ცოდნისა და უნარების გამოყენებით, თავიანთ წვლილს შეიტანენ საზოგადოებისათვის სასარგებლო საქმიანობის განხორციელებაში და ადგილობრივი მუნიციპალიტეტის საჭიროებიდან და თავისებურებებიდან გამომდინარე რეგიონებში განახორციელებენ ისეთ ინიციატივებს როგორიცაა: მოხალისეთა კლუბების შექმნა, გარემოსდაცვითი ღონისძიებები, საქველმოქმედო საქმიანობა - სხვადასხვა საჭიროებების მქონე ადამიანების დახმარება, ფილმების ჩვენება, უცხო ენის კურსების გამართვა, ცხოვრების ჯანსაღი წესის პოპულარიზაცია (სპორტული შეჯიბრებები, მარათონები), შშმ ბავშვების ინტეგრაცია, ღირსშესანიშნავი თარიღების აღნიშვნა, შემოქმედებითი საღამოების გამართვა, ცნობილ ადამიანებთან შეხვედრები და სხვა.

აქვე დამატებით გაცნობებთ, რომ საქართველოს სპორტისა და ახალგაზრდობის საქმეთა სამინისტროს მიერ საქართველოს 10 რეგიონში (1 რეგიონი - 1 ორგანიზაცია) შეირჩევა 10 რეგიონალური ახალგაზრდული არასამთავრობო ორგანიზაცია, რომლებიც უზრუნველყოფენ რეგიონის მუნიციპალიტეტებში მოხალისეების შერჩევას და კოორდინირებას სამინისტროსთან, მუნიციპალიტეტებში ახალგაზრდულ საკითხებზე პასუხისმგებელ პირებთან ერთად.

პროგრამაში მონაწილეობის მსურველმა კანდიდატებმა კონკურსის პირველ ეტაპზე რეგისტრაცია უნდა გაიარონ http://youth.gov.ge/home 20 აპრილიდან 20 მაისის ჩათვლით. კონკურსის მეორე ეტაპზე გადავლენ სააპლიკაციო ფორმების საფუძველზე შერჩეული კანდიდატები.



კონკურსის მეორე ეტაპზე გადასულ კანდიდატებთან მოხდება გასაუბრება, რის შედეგადაც თითოეულ მუნიციპალიტეტში გამოვლინდება 2 გამარჯვებული.





მცხეთელ მკლავჭიდელთა წარმატება 25 სექ, 2017 13:19
უნგრეთის ქალაქ ბუდაპეშტში ჩატარებულ მსოფლიო ჩემპიონატზე მკლავჭიდში, მცხეთის მუნიციპალიტეტის სახელით მოასპარეზე სპორტსმენებმა გიორგი თვალიაშვილმა და გრიგოლ ...
ღვთისმშობლობა წილკანში 25 სექ, 2017 13:18
მცხეთის მუნიციპალიტეტის სოფელ წილკანში ღვთისმშობლობა განსაკუთრებული დღესასწაულია. ამ დღეს მთელი სოფელი თავს იყრის ღვთისმშობლის შობის ეკლესიაში და სადღესასწაულო ...
,,ბიწმენდობა“ 25 სექ, 2017 13:15
16 სექტემბერს, მცხეთის მუნიციპალიტეტის სოფელ ბიწმენდში, დღესასწაული ,,ბიწმენდობა“ წელს მესამედ ჩატარდა. დღესასწაულზე, რომელსაც საფუძველი 2013 წელს ჩაეყარა, ქართულ ...
დასუფთავების აქცია სოფლებში 25 სექ, 2017 13:06
კამპანია ,,დავასუფთაოთ მსოფლიო-დავასუფთაოთ საქართველო“ (III ფაზა) წელს 15,16,17 სექტემბერს ჩატარდა მთელი საქართველოს მასშტაბით. აქციაში აქტიურად ჩაერთვნენ მცხეთის ...
მცხეთის მუნიციპალიტეტში ახალი საბავშო ბაღები გაიხსნა 25 სექ, 2017 13:05
18 სექტემბერს, მცხეთის მუნიციპალიტეტის ა(ა)იპ სკოლამდელი აღზრდის დაწესებულებათა გაერთიანების ახალი სააღმზრდელო წელი ორი ახალი საბავშვო ბაღის გახსნით აღინიშნა. ...
ქსოვრისის წყლის ჭაბურღილი 25 სექ, 2017 13:02
15 სექტემბერს, მცხეთა-მთიანეთის სამხარეო ადმინისტრაციაში, საქმიანი შეხვედრა გაიმართა ამერიკული საქველმოქმედო ფონდი „ლდს-ჩერიტი“-სა და მცხეთის მუნიციპალიტეტის ...
საფეხბურთო ჩემპიონატის მეორე ეტაპი დაიწყო 25 სექ, 2017 13:00
1 სექტემბერს, საფეხბურთო ჩემპიონატის - ,,მოყვარულთა თასი 2017 ' '-ის რეგიონული თამაშები განახლდა და მეორე ეტაპის მეექვსე ტურში ,,ნიჩბისმა’’ ,,საგურამო’’ ანგარიშით 7:0 დაამარცხა, ...
სოფელი ციხისძირი ოთხი წლის განმავლობაში. 25 სექ, 2017 12:57
ციხისძირი მცხეთის მუნიციპალიტეტის ერთ -ერთი ადმინისტრაციული ერთეულია, სადაც ძირითადად აზერბაიჯანელი ეროვნების მოსახლეობა ცხოვრობს. სოფელში, ისევე, როგორც ...
ზემო წეროვნის მშენებარე გზა 23 აგვ, 2017
მცხეთის მუნიციპალიტეტში აქტიურად მიმდინარეობს სოფელში მისასვლელი თუ შიდა საუბნო გზების მშენებლობა. უახლოეს პერიოდში შეკეთდა და ასფალტის საფარი დაიგო სოფლებში - ...
1 2 3 4 5 6 7 8 9 10 11 12 13 14 15 16 17 18 19 20

მცხეთის მუნიციპალიტეტი © 2011. ვებგვერდი შეიქმნა ევრაზიის თანამშრომლობის ფონდის ხელშეწყობით